Projekt

ÜberblIck

Vision & Mission

DINI Lideschaft – ÜSE Asporn

Wir unterstützen unsere Turnvereine bestmöglich. Gemeinsam gehen wir Voraus und gestalten die Zukunft aktiv mit.

meh erfahre...

Individualisierig isch d’Basis vo üsere Gseuschaftsform worde. D’Mönsche läbä ä Toleranz vo Ungerschiede. Individualisierig heisst, di freii Wahl z’ha. Üsi vier Handligsfäuder wo dr Megatrend Individualisierig düe beschribe si: Zentrali Dienstleistige, Gmeinschaftssinn, Individualität, Säubstverwürklichung und Agebot.

Zentrali Dienstleischtige

Ds Handligsfäud Zentrali Dienstleischtige isch di individuelli Ungerstützig mittels Plattforme und Auslagerig vor Verwautig. Da drzue ghöre

  • Administrativi Ufgabe
  • Vorstandsarbeite und Outsourcing
  • Vorlage für Pflichtehefter, Protokou, etc.
  • Materiauverwautig
  • Finanze
  • Mitgliederverwautig
Gmeinschaftssinn

Ds Handligsfäud Gmeinschaftssinn isch di gmeinsame Wärte idr Individualisierig läbe.

Da drzue ghöre

  • Inträssensgmeinschafte biude
  • Ds Vereinsläbe und ds Soziale
  • Tradition und Agebot phaute
  • Ä Leiter- und Vereinspool
  • Engagement und Commitment
  • Läbensschueu „Verein“
Agebot

Zum Handligsfäud Agebot ghört di zielgruppeorientierti Gstautig wie

  • Wettkampf- / Leistigsbezoge
  • Gsundheitsbezoge
  • Polysportiv
  • Vereinsübergrifend
  • Gschlechter- und altersgmischt
meh erfahre...
Dr Megatrend Silver Society bedütet, dass üsi Gseuschaft euter wird u die Eutere immer meh wärde. Glichzytig bliibe d Mönsche lenger xsung. Dür das entsteit e völlig nöii Läbensphase nachem bisherige Ränteauter. Die arbeitsfreii Phase verlängeret sech u bietet Ruum für d Säubschtentfautig i nöie Läbensstile im höche Auter. Xsundheit wird zum Läbensziu u Läbenssinn. Xsundheit u Zfrideheit verschmeuze. Säuber uf e Xsundheitszuestand z achte und drane z schaffe, ghört zum moderne Läbe vo de Mönsche.
Läbesphase aktive Ruhestand
Ds Handligsfäud «Läbesphase aktive Ruhestand» wird i Zuekunft a Bedütig gwinne. Dä nöii Läbensabschnitt wird sinnerfüllt gläbt und bewegt gstautet. Im Auter sportlich sexy und knackig bliibe, derfür söue Agebot, Usbiudige, Aläss und Wettkämpf autersgrächt u ziugruppespezifisch gstautet u aabote wärde.
Xsungs Läbe

«Zfrideheit dür Xsundheit» isch d Strategie – auso d Basis – für ds Handligsfäud «xsunds Läbe». Mit Fröid u Spass bewege mir üs präventiv u fördere üsi Agilität. Dür d Mobilisierig u Aktivierig vom Körper steigere mir üsi Xsundheit. Gmeinschaftlich luege mer zu physischer und psychischer Xsundheit u uf d Ernährig.

Plattforme und Tools

Z’Handligsfäud Plattforme und Tools

Plattforme u Tools sy d’Grundlage für ä ortsunabhängigi kollaborativi Zämearbeit.

Netzwärk / Vrnetzig

Z’Handligsfäud Netzwärk / Vrnetzig

Es breits Netzwärk u flexibli Teams sy Erfougsfaktore. Drby söu z’Wüsse teilt, z’Netzwärk bewusst gnutzt u agili Teams gformt wärde.

Transformation

Z’Handligsfäud Transformation

Dür flexibli Strukture u Offeheit söuä Prozässe optimiert u äs innovativs Image kreiert wärde. Alti Strukture und Vereinsgränze wärde ufbroche, nöii Kulture entstöh und z’Image wird modernisiert.

Ressource / Know How

Z’Handligsfäud Ressource / Know How

Attraktivi Gstaltigsfäuder söuä gschaffe wärde u Vrantwortig wird gmeinsam treiit. Weh nötig uf z’Know-How vo Spezialiste zrügggriefe.

Kommunikation

Z’Handligsfäud Kommunikation

Mir fördere ä transparenti u aktivi Kommunikation u ermügleche dr eifach Zuegang zu Informatione.

Partner

Z’Handligsfäud Partner

Mir ghö attraktivi Partnerschafte i.

meh erfahre...

Konnektivität, die neui Organisation vor Mönschheit in Netzwärch. Mir kommuniziere ni nume mit Mönsche, sondern o mit “Sache”. Das schafft e ganz neui Form vo dr Zämearbeitt. Aber der eigentlech Wandu ligt im Soziale: E neui Kultur vom zäme schaffe tuet d’Verbänd u d’Vereine, aber o die Adminischtrative Strukture gäg usse uf.

E neui Kultur vom zämä schaffe öffnet d Verbänd und Vereinä  nach ussä.

I üsere Wüssensgseuschaft, wird Biudig zure Frag vor Kultur wo d’Verbandswäut betrifft. D’Digitalisierig vo Informatione git geng me Mönsche dr Zuegang drzue. D’Förderig vo individuelle Talänt u grossem Gwunder bringt d’Vorussetzig für Innovation u soziale Ufstieg. Organisatione wo säuber tüe lerne, wärde im Wettbewärb z’vorderscht sy.

D Digitalisierig ermöglecht immer meh mönsche der Zuegang zu Information.

# Vrnetze (Plattform / Social Media)

Mit Hiuf vorä modärnä Plattform möchtä mir di und di Verein mit dr räschtlech Turnwäut aber o mit dr digitale Wäut verbingä.

# digitaus Glichgwicht wahre

Näbe aune digitale Möglechkeite möchtä mir es guets digitals Glichgwicht wahre, physischi Aläss förderä und dr Sinn und Umgang mit digitale Lösigä hingerfragä.

# Organisationsform

Aus Verband möchte mir üs „liechtgwichtig“ und agil organisiere. Ideä und Innovativi vorschläg söue unkompliziert dürne Projektgruppe lanciert und umgsetzt wärde.

# Wissen sichern und bereitstellen

Mir steuä dir ä moderierti Plattform zur Verfüegig, wo mir ä konstanti Wüssensicherig gwährleischtä. So wärde Erfahrige und kollektivs Wüsse festghaute und bereit gsteut.

# Wüsse aufbauen

Theoretischi Usbildigsteilä söue ou digital chönne bsuecht wärde. Für das du dini Zit effiziänter und ziu grichteter chasch iisetzä.